2025-жылдын 14-ноябрында Бишкек шаардык сотунда Кыргызстан Эл аралык университетинин «Юриспруденция» багыты боюнча 2-курс студенттери үчүн Ачык эшиктер күнү өткөрүлдү.

Иш-чаранын алкагында жарандык жана экономикалык иштер боюнча төраганын орун басары Сатарбек уулу Мирбек таанытуучу лекция окуду. Ал студенттерге сот тутумунун түзүмү, анын иш алып баруу тартиби жана шаардык сот тарабынан жүргүзүлгөн кызматтар тууралуу кеңири маалымат берди.

Студенттер  суроолорду берип, сот системасына болгон жигердүү кызыгуусун көрсөтүштү. Лекциядан кийин катышуучулар үчүн шаардык соттун имараты боюнча экскурсия уюштурулуп, алар соттун ички ишмердүүлүгү менен таанышууга мүмкүнчүлүк алышты.

Иш-чара студенттерди Кыргыз Республикасынын сот системасынын иши менен жакындан тааныштыруу, алардын укуктук сабаттуулугун жогорулатуу жана сот органдарына болгон кызыгуусун арттыруу максатын көздөдү.